Овој рецепт се подготвува за помалку од 60 минути

1. Во сад за матење ги кршиме јајцата. Го додаваме шеќерот и матиме со миксер додека не се растопи. Ги додаваме брусниците, 2 лажици масло, јогуртот и гризот. Непрекинато мешаме со лажица додека филот не се соедини.
2. Две кори попрскуваме со по неколку лажици од преостанатото масло и ги ставаме една врз друга. Врз нив ја ставаме третата кора и ја премачкуваме со фил. Ги свиткуваме краевите на корите кон средината и виткаме ролат. Го ставаме во правоаголна тава за печење.
3. На истиот начин подготвуваме уште 4 ролати и ги редиме во тавата. Тавата ја ставаме во рерна, печеме 30 минути на 180 степени и ја вадиме од рерна. Ја сечеме баклавата на парчиња.
4. Започнуваме со подготовка на шербетот. Во тенџере на оган си ставаме шеќерот, водата и медот. Половина лимон цедиме во цедалка. И лимоновиот сок го додаваме во тенџерето. По 15 минути варење тенџерето со шербетот го тргаме од оган. Со врелиот шербет ја преливаме изладената баклава. Откако баклавата ќе се излади и ќе го впие шербетот е подготвена за служење.