За овој рецепт се потребни помалку од 45 минути

1. Доматите натопете ги за момент во врела вода и излупете ги. Исечете ги на четвртини и извадете им ги семките.
2. Пиперката исечете ја на четвртини, извадете ѝ ги семките, измијте ја и исечете ја на долгнавести парчиња.
3. Излупете ги кромидот и лукот, ситно исечкајте ги и пропржете ги на масло. Додајте ја пиперката и пржете ја 5-6 минути. Додајте ги и доматите, па сето тоа зачинете го со бибер, сол и мајчина душичка.
4. Динстајте на ниска температура околу 5 минути, потоа додајте го кечапот.
5. Во меѓувреме измешајте го меленото месо со 1 парче натопен леб.
6. Додајте го јајцето, сенфот, вињакот, сол и бибер и со рацете добро замесете ја смесата.
7. Оформете ќофтиња и пржете ги на масло додека убаво заруменат, па сервирајте ги со варивото од домати.