За овој рецепт се потребни помалку од 50 минути

1. Празот ситно исечкајте го и пржете го на загреано масло во тава на оган.
2. Откако ќе омекне празот, во тавата додајте ја киселата павлака и зачинете со сол и бибер.
3. Потоа промешајте и тргнете од оган.
4. Во тенџере на оган додајте го млекото, додајте сол и бибер, путерот и мешајте со жица да се растопи.
5. Постепено во тенџерето додавајте го гризот и мешајте со жицата, а откако гризот ќе ја добие потребната густина, додајте го во тавата со празот.
6. Една по една додавајте ги жолчките во тавата и непрекинато мешајте со жицата.
7. Додајте ситно изрендан кашкавал во тавата и продолжете со мешањето.
8. Правоаголна тава за печење намастете ја со масло и обложете ја со хартија за печење, па нанесете ја смесата во неа.
9. Печете во рерна на 190 степени околу 30 минути или додека добие убава златнокафена боја.
10. Испечената смеса извадете ја од хартијата и исечете ја на коцки, па послужете ги малку подоладени.