За овој рецепт се потребни помалку од 120 минути

Сос:

1. Исечкајте ја сланината на ситни парчиња, кромидот, целерот и морковот исто така.
2. Потоа пржете ги во тава на загреан путер околу 15-тина минути.
3. Додајте го меленото месо, мешајте и пржете го да зарумени.
4. Потоа додајте половина од црвеното вино и гответе додека течноста се редуцира до половина.
5. Откако ќе испари половина течност, додајте половина од супата, па повторно динстајте додека да испари течноста.
6. Додајте уште од супата, 1 лажица концентрат од домати и остатокот од црвеното вино.
7. Гответе додека течноста испари, додајте уште супа, посолете, зачинете со бибер и додајте 120 мл доматен сок.
8. Додајте го остатокот од супата, покријте го садот и гответе го сосот 1 час.

Лазањи:

1. Во меѓувреме додека се вари сосот, потопете ги сувите печурки 15-тина минути во вода, потоа исцедете ги и исечкајте ги, а водата не ја фрлајте.
2. Во тава пропржете го лукот со 50 г путер.
3. Додајте ги печурките, сол, исечкан магдонос и гответе околу 15 минути додавајќи од водата во која што беа печурките.
4. Лазањите сварете ги во тенџере со зовриена солена вода и кога ќе бидат готови исцедете ги.
5. Во намастена тава ставете еден ред лазањи, потоа болоњезе сосот, па малку од смесата со суви печурки и наросете пармезан.
6. Поклопете со лазањи и повторувајте ја постапката додека ги потрошите сите состојки.
7. Завршете со слој лазањи и одозгора ставете парчиња путер.
8. Печете ги лазањите во загреана рерна на 180 степени околу 30 минути или додека убаво заруменат.