За овој рецепт се потребни помалку од 90 минути

Пандишпан

1. Белките изматете ги со миксер заедно со шеќерот.
2. Откако ќе се растопи шеќерот и убаво ќе се измати смесата, додајте ги една по една жолчките и соединете ја смесата.
3. Додајте ги лешниците, брашното, какаото и прашокот за печиво, па мешајте со лопатка додека смесата се соедини.
4. Нанесете ја во тава обложена со хартија за печење и печете во рерна на 180 степени, 30 минути.

Фил

1. Белките изматете ги со миксер заедно со половина од шеќерот, додека шеќерот се растопи.
2. Садот со жолчките ставете го на пареа, додајте го преостанатиот шеќер и матете со миксер додека кремот ја добие потребната густина. Оставете целосно да се излади.
3. Во друг длабок сад пенасто со миксер изматете го маргаринот и додајте ги изладениот крем од жолчки и мелените лешници, па матете да се соедини смесата.
4. Додајте ги потоа во смесата и изматените белки и мешајте со лажица да се соедини филот.

Финална постапка

1. Пандишпанот исечете го на половина по широчина.
2. Врз првата лента нанесете го филот, а врз него ставете ја втората лента пандишпан.
3. Изматете ги млекото и прашокот за шлаг со миксер, па декорирајте го колачот со шлаг и по желба со рендано чоколадо или лешници.