За овој рецепт се потребни помалку од 60 минути

1. Пиперките преполовете ги и исчистете ги од семките и дршките. Премачкајте ги со околу 2 лажички маслиново масло и наредете ги во плех, обложен со хартија за печење.
2. Печете ги пиперките во претходно загреана рерна на 200 степени околу 45 минути или додека убаво омекнат.
3. Оставете ги да се оладат, па излупете ги. За полесно да ги излупите пиперките – ставете ги да отстојат во затворено најлонско ќесе веднаш откако ќе ги извадите од рерна.
4. Пиперките изблендирајте ги со мелените ореви, 1/4 чаша маслиново масло, исечканиот млад кромид (може и стар кромид) и со останатите состојки додека добиете убава, густа смеса.
5. Додајте на крај уште сол по вкус или зачин и уште маслиново масло и сечкан магдонос.