Овој рецепт се подготвува за помалку од 75 минути

1. Исчистете ги морковите и пресечете ги на половинки за да ги издлабите одвнатре.
2. Просото измијте го и оставете го во цедалка убаво да се процеди.
3. На умерена температура во тава на маслиново масло ставете ја пиперката да се пропржи.
4. Кога ќе фати кора додајте го сечканиот црвен кромид, измешајте и после 3 минути додајте ги сите останати зачини и зеленчуци.
5. Додајте го во тавата и просото, кратко пржете со мешање и тргнете ги состојките од оган.
6. Во целата смеса ставете малку од доматното пире колку да се навлажнат состојките.
7. Уклучете ја рерната на 170°C, земете тава за печење и ставете доматно пире да го покрие дното на садот и две лажици маслиново масло.
8. Преку нив редете ги морковите и нив филувајте ги со просото.
9. Доколку ви остане смеса од просо, сипете го помеѓу морковите во тавата.
10. Остатокот од доматното пире растворете го со вода и полејте го помеѓу морковите.
11. Сите моркови испрскајте ги со маслиново масло, покријте ја тавата со алуминиумска фолија и печете еден час.
12. Ова јадење послужете го топло во комбинација со зелена салата.