За овој рецепт се потребни помалку од 90 минути

1. Во тенџере со зовриена вода на оган ставете ја коцката супа да се вари.
2. Во тава на оган ставете масло и додајте 30 г путер, па откако ќе се растопи, пропржете ја исечканата главица кромид.
3. Во тавата со омекнатиот кромид додајте ја и пиперката исечкана на коцки.
4. Откако и пиперката ќе се запржи, додајте ги сечканите маслинки и сечканите шампињони.
5. Додајте го и исечканото чешне лук и зачинете со сол и бел пипер. Добро промешајте.
6. Откако течноста ќе испари во тавата, додајте ги сечканиот колбас и сечканата марула, промешајте и тргнете ја тавата од оган.
7. Додајте го јајцето и измешајте го филот со лажица.
8. Со приготвениот фил наполнете го пилето и зацврстете го со готварски конец.
9. Премачкајте го со 50 г путер, наросете го со бибер и сол и ставете го пилето во намастен плех.
10. Прелијте со белото вино и со 300 мл супа од коцка, па печете го 60 минути во рерна на 220°C.
11. Печената кокошка извадете ја од рерна, извадете го конецот, исечете ја на парчиња и послужете ја со печен компир.