За овој рецепт се потребни помалку од 80 минути

1. Пилето исечете го на средни парчиња, отстранете му ја кожата (освен на крилцата), па зачинете го со сол и бибер.
2. Во голема тава со масло на оган пропржете ги парчињата пилешко додека добијат убава златнокафена боја. Тргнете го во сад настрана.
3. Кромидот и морковот исечкајте ги, а чешнињата лук излупете ги и згмечете ги. Ставете ги во истата тава каде што го пржевте пилешкото и пржете ги 10-15 минути додека омекнат.
4. Во меѓувреме сварете ги јајцата, одделете ги само жолчките. Потпечете ги бадемите во мала тава, потоа и парчињата леб.
5. Во аван истолчете ги бадемите заедно со лебот, варените жолчки и шафранот.
6. Потоа во тавата со зеленчуците додајте ги пилешкото и сосот од бадеми. Додајте го белото вино и гответе додека течноста испари, околу 3-4 минути.
7. Потоа додајте ја пилешката супа и ловоровиот лист, па гответе околу 35-40 минути или додека месото омекне.
8. Сервирајте го јадењето во чинија прелиено со сосот и со сечкан магдонос.