За овој рецепт се потребни помалку од 50 минути + 1 час рибата да отстои во маринада

1. Околу 2-3 чешниња лук, зелениот бибер и рузмаринот истолчете ги со толчник, па измешајте ги со сок од исцедениот лимон, виното, маслиновото масло и соја сосот.
2. Зачинете ја маринадата со сол и бибер по вкус и ставете ја рибата да остстои околу 1 час (претходно исчистете ја рибата и засечете ја со нож на неколку места).
3. Mорковот и 150 г од компирот излупете ги и изрендајте ги, а спанаќот, празот и маслинките исечкајте ги.
4. Во маслиново масло кратко динстајте го празот, па додајте ги компирите и морковите, потоа спанаќот, маслинките и 2 сечкани чешниња лук и динстајте додека испари вишокот течност.
5. Во огноотпорен сад наредете 600 г компири исчистени и исечени на кругови.
6. Пастрмките наполнете ги со филот од компир, морков и праз, прицврстете ги со чепкалки и наредете ги врз компирот во тавата.
7. Садот прекријте го со фолија и јадењето печете го на 200°C околу 40 минути.
8. Потоа отстранете ја фолијата и запечете ја рибата уште 10-тина минути.