За овој рецепт се потребни помалку од 60 минути

1. Листовите босилек ситно исечкајте ги и ставете ги во чинија, па измешајте ги со сирењето исечено на коцки.
2. Посолете 2 шницли од мисирка и зачинете ги со бибер и со 1/2 лажица вегета, па толчете ги со чук.
3. На средината од секоја шницла ставете по половина од смесата со сирење и босилек. Прекријте го со половина од третата мисиркина шницла.
4. Краевите на долните шницли свиткајте ги кон внатрешноста и прицрврстете ги со чепкалки.
5. Полнетите мисиркини гради ставете ги во огноотпорен намастен сад, попрскајте ги со масло и печете ги во рерна на 180 степени, 30 минути.
6. Извадете ги од рерна, извадете им ги чепкалките и исечете ги на парчиња.
7. Во блендер измиксајте ги зрната бибер, чешнето лук, крупно сечканиот магдонос, темјанот, 1/2 лажица вегета, сол и бибер и со смесата премачкајте ги потпечените кришки леб, па послужете ги со мисиркините гради.