За овој рецепт се потребни помалку од 60 минути

1. Јаболките излупете ги и исечкајте ги на коцки, па распоредете ги во тава обложена со хартија за печење. Печете ги во загреана рерна на 200 степени, околу 15-20 минути.
2. Четири белки изматете ги со миксер и постепено додавајте 4 лажици шеќер.
3. Потоа додајте половина од мелените лешници и 1 лажица брашно измешана со 1 рамна кафена лажица прашок за печиво.
4. Нанесете ја смесата во тава со големина 23х33 см и печете 12 минути во рерна загреана на 200 степени. На истиот начин подгответе го и вториот пандишпан.
5. Прв фил: во тенџере на оган ставете да се варат 200 мл млеко и 200 г шеќер.
6. Во друг сад измешајте 8 жолчки, 100 мл млеко и пудингот од ванила. Откако млекото во тенџерето ќе зоврие, додајте ги жолчките и сварете фил додека ја добие потребната густина.
7. Откако филот ќе се излади, додајте 85 г путер и измиксирајте, а потоа додајте ги изладените благи јаболки и полека промешајте со лажица.
8. Втор фил: во 600 мл млеко додајте 150 г шеќер и ставете ги да зовријат.
9. Преостанатите 100 мл млеко соединете ги со пудингот од чоколадо, потоа додајте ги во зовриеното млеко и сварете фил.
10. Откако филот ќе се олади, измешајте 165 г путер и добро измиксирајте.
11. Во тавата во која се печеа пандишпаните, ставете хартија за печење, па едната кора. Врз кората нанесете половина од филот од чоколадо, па потоа нанесете од филот со ванила и јаболко.
12. На крај додајте го преостанатиот фил од чоколадо и поклопете со вториот пандишпан.
13. Оставете го колачот во фрижидер да се излади и да се стегне, најдобро преку ноќ. Украсете по желба со чоколадни трошки, рендано чоколадо или шеќер во прав.