За овој рецепт се потребни помалку од 240 минути

1. Прво во тенџере на умерен оган ставете ги 1/3 чаша брашно и 1/2 чаша вода и мешајте со жица додека се згусне, па тргнете настрана.
2. Префрлете ја смесата во друг сад, додајте путер, сол, шеќер и јајцето изматено со млекото. Потоа додајте го останатото брашно и сувиот квасец и убаво измешајте, па замесете тесто што ќе го изработите добро, околу 10-15 минути.
3. Оставете го тестото да стаса 45 минути покриено во топла просторија. Премесете го, па оставете го да отстои уште 35-40 минути.
4. Во меѓувреме подгответе го филот од афион: афионот сомелете го кратко, па ставете го во тенџере со 1/2 чаша млеко, околу 115 г путер/маргарин, 1,2 чаша шеќер, 1/2 кафена лажица ванила екстракт, 1 лажица рум, 1 и пол лажица сок од лимон и рендана кора, 1/4 лажичка сол и 1/4 лажичка цимет.
5. Гответе ја смесата на рингла на умерен оган околу 5 минути со постојано мешање додека добиете густа паста и оставете ја да се олади.
6. Расукајте го тестото во четвртаста кора и премачкајте го со растопен путер/маргарин, а потоа премачкајте го со филот од афион.
7. Завиткајте во ролат.

8. Потоа ролатот исечете го на половина. Од секоја половина исечете по 8 парчиња. Вкупно треба да имате 16 парчиња.

9. Ставете ги парчињата едно до друго во намастена тава и оставете ги да стасаат уште 1 час.

10. Печете ги во загреана рерна на 180°C околу 17-20 минути.

11. Оставете ги да се изладат, а потоа одозгора наросете ги со шеќер во прав.