За овој рецепт се потребни помалку од 70 минути

1. Лебот (претходно потопен во вода и искинат на парчиња) измешајте го со меленото месо, исечканиот лук и 2 јајца. Зачинете со сол, бибер и вегета и замесете ја смесата со рака.
2. Во тава на оган пропржете го кромидот на загреано масло, па откако ќе омекне додајте ги печурките исечкани на листови, зачинете со вегета, ориганото, сол и бибер и додајте ги исечканиот магдонос и останатите 4 јајца, па промешајте.
3. На парче најлонска фолија расплескајте ја смесата од мелено месо и врз неа нанесете го филот од печурки.
4. Свиткајте ролат и ставете го во тава за печење намастена со масло, па обложете го со ленти чадена сланина.
5. Печете 30 минути во рерна на 180 степени, па сервирајте го ролатот исечен на парчиња.