За овој рецепт се потребни помалку од 60 минути

1. Шницлите истолчете ги со чук и зачинете ги со вегета, сол и бибер, па оставете ги да впијат од зачините.
2. Оризот сварете го, исцедете го и измешајте го со крупно ренданиот кашкавал, сечканата сланина, сол, бибер и вегета.
3. Од филот ставете на првата шницла, свиткајте ги краевите на шницлата кон средината и свиткајте ролна. На истиот начин подгответе ги сите ролни и прицврстете ги со готварски конец.
4. Пржете ги ролните на загреано масло во тава на оган додека убаво поруменат од сите страни.
5. Во друга тава на оган пржете го кромидот додека омекне, па додајте го во тавата со пржените ролни.
6. Во тавата додајте го доматниот сос и 200 мл вода, зачинете со сол, бибер и вегета по вкус.
7. Откако месото ќе се издинста, тргнете ја тавата од оган, извадете го конецот од ролните и послужете ги.