Овој рецепт се подготвува за помалку од 60 минути

1. Претходно сварениот компир го лупиме и го ставаме во поголем сад. Потоа со алатка за правење пире го гмечиме компирот во садот.
2. Во садот со млеко го додаваме свежиот квасец и малку сол. Со лажица мешаме додека не се растопи квасецот.
3. Во садот со компир додаваме путер и брашно.
4. Јајцата ги кршиме и ги двоиме белките од жолчките. Белките ги ставаме во сад на страна, а жолчките ги додаваме во големиот длабок сад.
5. Потоа во садот го додаваме квасецот растопен во млекото и убаво се промешува.
6. Тестото го месиме со рака додека не стане мазно и го оставаме во садот да нарасне.
7. Во меѓувреме на даска за сечење шунката ја сечеме на коцки и ја собираме во сад.
8. Во садот ја додаваме павлаката, мајонезот, ситно исечканите краставички и промешуваме.
9. По 30 минути ја набрашнуваме работната маса и на неа го ставаме нараснатото тесто. Го месиме со раце, а потоа со сукалка развлекуваме кора.
10. Со остар нож кората ја сечеме на 4 дела.
11. На првото парче ставаме од претодно подготвениот фил, ги свиткуваме краевите, за да не испаѓа филот и ја виткаме пирошката.
12. Готовата пирошка ја ставаме на чинија наросена со брашно. Истата постапка ја повторуваме на сите пирошки.
13. На оган ставаме тава и во неа масло за јадење. Откако маслото ќе се загрее во тава ги редиме претходно подготвените пирошки да се пржат.
14. Убаво заруменетите пирошки ги вадиме од тавата и ги редиме на чинијта за сервирање. Врз пирошките ставаме од претходно подготвениот фил.