За овој рецепт се потребни помалку од 60 минути

1. Модрите патлиџани се печат целите, нелупени во рерна додека поцрни кожата.
2. Во алуминиумска фолија се става главицата лук, се попрскува со маслиново масло, сол и бибер, се витка и се става заедно со модрите патлиџани во рерна.
3. Модрите патлиџани се ладат во ладна вода, се лупат, се сечат на мали парчиња, им се отстранува дел од семките за да не биде многу горчлива салатата.
4. Лукот се вади од алуминиуската фолија и се истиснува во сад. Во садот се додаваат парчињата модар патлиџан, таан, исцеден сок од половина лимон, маслиново масло, сув магдонос, сол и бибер. Се пасира со миксер.
5. Во пасираната смеса се додава павлаката и салатата се сервира.