Овој рецепт се подготвува за помалку од 90 минути

1. Во тенџере на оган ја ставаме коцката да се вари супа.
2. Компирите ги сечкаме на кругови.
3. Шницлите ги посолуваме, наросуваме бибер и вегета. Ги премачкуваме со сенф, ги редиме една врз друга, притоа повторно премачкувајќи со сенф и оставаме да ги впијат зачините.
4. Шампињоните ги сечкаме на парчиња и ги пржиме на загреано масло во тава на оган. Посолуваме, наросуваме бибер, зачинуваме со вегета, го додаваме црвениот пипер и промешуваме. Ја налеваме супата од коцка.
5. Огноотпорниот сад го попрскуваме со масло за јадење. Дното на садот го прекриваме со кругови компири и врз нив ставаме две шницли.
6. Во садот додаваме од содржината во тавата за пржење, повторно редиме ред кругови компири и врз нив ги ставаме преостанатите шницли.
7. Преливаме со сосот со печурки и прекриваме со преостанатите кругови компири. Го затвораме садот со алуминиумска фолија и го ставаме во рерна. Печеме 60 минути на 200 степени.
8. Го вадиме садот од рерна. Во длабок сад ги мешаме јајцето, киселата павлака и 70 мл вода. Со смесата ја преливаме содржината во садот.
9. Го враќаме садот во рерна и печеме уште 10 минути на иста температура.