За подготовка на овој рецепт се потребни помалку од 2 часа

1. Јаболката се лупат, се чистат, се сечат на коцки и се ставаат во ладна вода.
2. Морковите се лупат, се сечат на парчиња и се ставаат во ладна вода.
3. Праските се лупат, се чистат, се сечат на коцки и се ставаат во ладна вода.
4. Лимоните убаво се мијат, се сечат на парчиња сосе кората и се блендираат.
5. Во седум-осумлитарско тенџере се става водата од јаболката до половина и се ставаат морковите да се варат.
6. Откако морковите се обарени, се додаваат 3-4 раце од јаболката, а кога и јаболката се обарени, се вади со црпалка и се става во блендер и од материјалот и од водата, па се блендира и се истура во поголем пластичен сад.
7. Постапката се повторува додека се потрошат јаболката, а потоа се додаваат и праските да се обарат и тие се блендираат.
8. Кога ќе се заврши и со праските, на крајот се додава аронијата и се блендира. Се додаваат и лимоните, целиот материјал се промешува убаво додека се изедначи.
9. Во лонец (за ајвар) се истураат материјалот и водата, па се става на оган и се меша. Кога ќе почне да се појавува пена, со решеткаста лажица се вади, потоа се процедува низ тенка газа, се враќа во лонецот и се става шеќерот (може и да не се става шеќер).
10. Откако смесата ќе проврие и шеќерот ќе се растопи, се полни во стаклени шишиња и се затвараат убаво со тапи за да се вакуумираат.