За овој рецепт се потребни помалку од 50 минути + околу 1 и пол час за тестото да стаса

1. Квасецот растопете го во млаката вода.
2. Во сад измешајте ги брашното, солта, шеќерот и малтексот, па додајте го растопениот квасец и замесете меко тесто.
3. Тестото покријте го и оставете го да стасува околу 1 час.
4. Потоа поделете го на 8 еднакви топчиња и повторно оставете ги да стасаат.
5. Со набрашнет прст направете дупка на средината од секое топче и формирајте крофна со дупка во средината.
6. Потоа по 2-3 од крофните ставете ги во 3 л зовриена вода со сода бикарбона во тенџере на оган околу 1 минута.
7. Ставете ги да се сушат врз крпа како што ќе ги вадите од тенџерето.
8. Потоа префрлете ги во намастен плех и премачкајте ги со белки, па наросете ги со семки по желба.
9. Печете ги во веќе загреана рерна на 180 степени околу 20-тина минути или додека убаво заруменат.