За овој рецепт се потребни помалку од 60 минути

1. Кромидот ситно исечкајте го и ставете го во тава на оган со загреано масло. Пржете го околу 5 минути. Додајте сол.
2. Стекот исечете го на ситни коцки, па додајте го во тавата со кромиот и продолжете да ги пржите заедно уште најмалку 10-тина минути.
3. Во меѓувреме брокулата измијте ја и исечете ја на цветчиња, прокељот измијте го и исчистете го од надворешните ливчиња, а морковот излупете го и измијте го, па исечете го на парчиња.
4. Сите заедно ставете ги во солена вода во тенџере на оган да се варат, но да не бидат преварени.
5. Откако ќе се свари зеленчукот, подгответе тепсија за печење или земјена тава и во неа претурете го сварениот зеленчук и претходно испржениот стек со кромидот.
6. Убаво распоредете ги во тавата, зачинете со сол, бибер и вегета, па врз јадењето претурете мешавина од матено јајце со виљушка заедно со киселата павлака.
7. Печете во рерна на 180 степени колку да се запече или да зарумени.