За овој рецепт се потребни помалку од 50 минути

1. Сечканите лук и кромид пржете ги на загреано масло во тава на оган, сланината исечкајте ја на коцки и додајте ја во тавата.
2. Откако ќе се испржат, тргнете ја тавата од оган.
3. Доматите излупете ги и исечете ги на коцки и ставете ги во огноотпорен сад намастен со масло.
4. Тиквичкате излупете ја и исечете ја на тенки ленти по должина. Наредете ги лентите тиквичка врз доматите во садот и посолете.
5. Потоа во садот додајте ги и испржените кромид, лук и сланина.
6. Во друг длабок сад, магдоносот и листовите рузмарин ситно исечкајте ги и измешајте ги со киселата павлака.
7. Потоа во садот со магдоносот додајте ги брашното, ориганото и ренданиот пармезан. Зачинете со сол и бибер и мешајте со жица за матење додека смесата се соедини.
8. Со смесата прекријте ја содржината во огноотпорниот сад.
9. Печете го јадењето во претходно загреана рерна на 180°C околу 30 минути.