За овој рецепт се потребни помалку од 40 минути

1. Тиквичката измијте ја, излупете ја и исечете ја на не многу тенки кругови. Посолете ги и оставете ги да отстојат 5-10 минути да впијат од солта.
2. Во сад изматете ги јајцата со виљушка и загрејте масло во тава на рингла.
3. Тиквичките валкајте ги прво во јајцата, па во брашното и пржете ги од двете страни додека добијат убава боја.
4. Пржените тиквички вадете ги врз салфетка за да се исцедат од вишокот маснотии.
5. Потоа во чинија ставете ред пржени тиквички, ред павлака (може и кисело млеко), зачинете со лук во прав и бибер, па издробете ред сирење.
6. Повторете ја постапката со сите состојки и завршете со ред павлака.