За овој рецепт се потребни помалку од 50 минути

1. Квасецот изронете го и додајте го во сад со брашното.
2. Потоа додајте ги маслото и прашокот за печиво и посолете.
3. Додајте ја водата и со раката замесете тесто, па оставете го да стасува 30 минути.
4. Стасаното тесто размесете го со рака на набрашнета работна маса, исечете го на 7 еднакви дела и формирајте топчиња.
5. Од првото топче со раце развлечете долгнавеста форма и формирајте го ѓеврекот соединувајќи ги краевите.
6. На истиот начин формирајте ги сите ѓевреци.
7. Во зовриена вода во тенџере на оган додајте го медот и мешајте додека да се растопи.
8. Првиот ѓеврек ставете го во тенџерето и варете го 30 секунди.
9. Со лажица решетка извадете го ѓеврекот од тенџерето, од сите страни извалкајте го со сусам и ставете го во тава за печење обложена со хартија за печење.
10. Истата постапка повторете ја со сите ѓевреци.
11. Ставете ја тавата во рерна и печете 30 минути на температура од 200 степени.