За овој рецепт се потребни помалку од 80 минути

1. Белките се матат со миксер заедно со половина од шеќерот додека се растопи.
2. Преостанатиот шеќер се мати со жолчките во посебен сад исто така со миксер, па двете смеси се соединуваат.
3. Се додаваат мелените ореви, сувото грозје, прашокот за печиво и гризот, па се меша со лажица за да се соедини смесата.
4. Се претура во тркалезна тава за печење, намастена со масло и набрашнета, и се пече 40 минути во рерна на 180 степени.
5. Се подготвува шербет: во тенџере на оган се ставаат 750 г шеќер, 1 ванилин шеќер и 250 мл вода.
6. На ситната страна од рендето се ренда кора од лимонот, па се додава во тенџерето заедно со половина од исцедениот сок од лимон.
7. Се вари додека шербетот ја добие потребната густина и додека шеќерите се растопат.
8. Колачот се вади од рерна, се остава малку да се олади, се сече на парчиња, па се прелива со врел шербет и се остава да впие.