Состојки
Бозел
Бозелот (Sambucus nigra) е билка која расте на планинските места како грмушка, а на ниските места како дрво, кое достигнува височина до 5 метри. Лековитите својства на бозелот се содржани во сите делови на билката: цветот, плодот, листот, кората и коренот. Тие содржат витамини А, Б1, Б2, Ц, етерични масла, горки сустанции, јаболкова киселина, сахароза и друго.
Често цветовите и плодовите од бозел се користат за припремање на чаеви, сокови, џемови, вино и слично. Бозелот е познат народен лек од многу оддамна. До крајот на 19 век на лондонските улици се продавало вино од бозелови плодови, кое им служело на работниците и патниците за освежување во текот на зимските денови. Се верувало дека гранчињата од бозел во џебот штитат од реума.
Со оваа состојка може да ги приготвите следниве рецепти
