Многу одамна не јадете брза храна, избегнувате слатки и редовно вежбате, но изгледа дека сте накачиле неколку вишок килограми.

Малкумина претпоставуваат дека обичните утрински ритуали можат да ја попречат вашата намера во губењето килограми.

Време е да се откажете од следните пет навики:

1. Предолго спиете

Ако спиете прекратко, вашето тело ќе лачи повеќе стрес хормони – кортизол, што ќе доведе до зголемување на апетитот. Сепак, ни премногу спиење не е добро. Според една студија ако спиете повеќе од 10 часа, индексот на маснотии во вашето тело значително ќе се зголеми. Не е чудо што лекарите препорачуваат 7 до 9 часа спиење.

2. Се подготвувате во мракот

Не ги отворате прозорците и не ги кревате ролетните кога ќе се разбудите? Ова е втора причина за тежинскиот проблем. Светлината и сончевите зраци значително влијаат на метаболизмот и помагаат на вашето тело да се разбуди, според едно истражување. Во темнината, телото продолжува да се однесува како да е во пасивна состојба.

3. Не го местите креветот

Звучи лудо, но тоа е вистина. Американската национална фондација за спиење покажа дека луѓето кои во утринските часови го местат креветот, а невечер го разместуват имаат поквалитетен сон. Имено, ова е уште еден психолошки ефект кој има значаен ефект врз телото.

4. Бегате од вагата

Универзитетот во Корнел покажа дека е подобро да ја следите вашата тежина редовно. Најдобро време за мерење на килограмите е наутро по будењето, пред јадење и пиење. Бидејќи телото губи вишок вода во текот на ноќта, утринската тежина е најточна.

5. Не појадувате редовно

Појадокот е најважниот оброк во текот на денот. Балансираниот утрински оброк треба да содржи околу 600 калории, протеини, јаглени хидрати и мал десерт.