Дали и колку ќе поцрнете од сончањето во лето најмногу зависи од тоа колку вашиот организам создава меланин – темен пигмент кој ја дава бојата на кожата.

За среќа, на интензитетот и траењето на бојата можете да влијаете и без многу сончање така што во своето мени ќе внесете намирници богати со каротеноиди – морков, домат, спанаќ, лубеница, црвен портокал и слично, а морковот е и одлична состојка за домашно масло кое помага при потемнување.

Морков за совршен тен

Морковот е најдобар избор ако сакате исончан тен. Богат е со витамин А и со бета каротен, се користи во препаратите за сончање бидејќи ја обновува кожата, го забавува нејзиното стареење и го забрзува потемнувањето.

Состојки:

– 1 поголем морков

– 10 мл масло од сончоглед

– 90 мл светло масло од сусам

Подготовка:

Морковот прво исушете го, па ситно изрендајте го и помешајте го со сончогледовото масло. Ставете ги во стаклен сад и оставете го маслото две недели. Погрижете се морковот да биде потполно покриен со масло. За тоа време, морковот ќе испушти бета каротен во маслото.

По две недели, процедете го маслото и помешајте го со сусамовото масло. Користете го маслото по потреба.

Маслото од сусам ќе ја штити кожата од изгореници, а бета каротенот од морковот ќе го забрза создавањето на меланин.