За овој рецепт се потребни помалку од 3 часа

1. Во длабок сад се става ситно издробен квасец, се додава малку топло млеко, 1 лажица сол, половина лажица шеќер и 5 лажици брашно.
2. Смесата добро се меша, садот се покрива со капак и тестото се остава да нарасне 1 час.
3. Во истата смеса потоа се додава малку масло, 2 јајца, 2 чаши топло млеко и 1 кг брашно.
4. Се меша, тестото се вади од садот и добро се меси со раце. Се остава да стаса уште 1 час.
5. Готовото тесто се развлекува во форма на долгнавест ролат кој се сече на коцки.
6. Меленото месо добро се меша со ситно сечкан кромид, јајце и сол по вкус.
7. Од секоја коцка од тестото се прават топчиња во чија внатрешност се става месо и се обликуваат билјашите.
8. Потоа се пржат во длабок сад со поголемо количество масло додека добијат златножолта боја. Се сервираат со салата по вкус.