Овој рецепт се подготвува за помалку од 35 минути

1. Сите зеленчуци (карфиол, брокула, морков и грашак) сварете ги кратко околу 5 минути во солена вода.
2. Потоа исплакнете ги со ладна вода и оставете ги целосно да се оладат.
3. Кога ќе треба да се пропржат зеленчуците, погрижете се да бидат суви за да ви излезат крцкави и сочни.
4. Од зеленчукот одвојте го само морковот.
5. Убаво загрејте ја вок тавата на силен оган и ставете ги сечканите пиперки во тавата и мешајте една минута, па додајте го морковот.
6. По една минута интензивно мешање, додајте го кромидот и продолжете да мешате.
7. Потоа додајте ги зачините: чили во прав, ѓумбир во прав и црвениот пипер.
8. Доколку мислите дека зеленчукот ќе почне да загорува, додајте малку вода.
9. Додајте го останатиот зеленчук во вок тавата, освен ајсберг салатата.
10. Додајте сол, бибер, една лажица масло од сусам, промешајте и тргнете ја тавата од оган.
11. Во друго тавче на загреано масло од сусам, ставете ги шкампите и малку сол, потоа мешајте додека не бидат готови.
12. Додека се пржат шкампите, припремите ги оризовите шпагети според упатството на пакувањето.
13. Кога шкампите се готови, помешајте ги со готовиот зеленчук и ставете сè заедно повторно, додајте ја ајсберг салата, па оризовите шпагети промешајте ги неколку пати на јака температура и тргнете ги од оган.
14. Ставете го соја сосот и сервирајте го ова вкусно јадење топло.