За овој рецепт се потребни помалку од 60 минути + 4 часа за тестото

1. Половина од квасецот растопете го во 200 мл вода и додајте 200 г брашно и измешајте. Покријте со крпа и оставете ја смесата да стасува 2 часа.
2. Кога ќе нарасне, во смесата додајте го останатото брашно, уште 200 мл вода, 1/2 квасец и малтексот (или мед).
3. Мешајте ја смесата и почнете да замесувате тесто, па посолете ја. Смесата ќе испадне доста леплива и мека, но не и додавајте брашно.
4. Добиеното тесто ставете го врз набрашнета површина, посипана со пченкарно брашно или со гриз.
5. Со рацете валкајте го во брашното и формирајте топка која ќе ја оставите покриена да стасува 2 часа.
6. Ставете го тестото повторно врз пченкарно брашно или гриз и поделете го на три дела.
7. Малку издолжете ги и внимателно ставете ги трите леба во плех со намастена хартија за печење.
8. Печете ги во загреана рерна на 230 степени, околу 10 минути. Под решетката во рерната ставете тава со вода, потоа намалете ја температурата на 200 степени и печете уште 10 минути.