За овој рецепт се потребни помалку од 60 минути

1. Загрејте ја рерната на 200°C.
2. Ставете ги лешниците во тавче со хартија за печење и печете ги во рерната околу 10 минути додека добијат златнокафена боја. Протресете го тавчето неколку минути пред крајот и внимавајте да не изгорат. Извадете ги и оставете ги да се оладат неколку минути.
3. Намалете ја рерната на 180°C.
4. Сомелете 200 грама од лешниците во блендер.
5. Путерот исечен на коцки и кршеното чоколадо ставете ги да се топат на пареа. Мешајте додека чоколадото целосно се растопи и оставете настрана да се излади 5 минути.
6. Матете ги јајцата и шеќерот заедно со миксер околу 5 минути додека да добиете кремаста смеса, па потоа измешајте ги со лажица во смесата од топеното чоколадо.
7. Смесата ставете ја во огноотпорен сад со намачкана хартија за печење со путер и печете ја 35-40 минути.
8. Кога тортата ќе се испече, оставете ја добро да се излади, превртете ја и отстранете ѝ ја хартијата за печење, па одозгора декорирајте со чоколадо и сечкани лешници.