За овој рецепт се потребни помалку од 120 минути

1. Месото исечено на шницли извалкајте го во брашно, едно по едно парче, па пржете го во врело масло во подлабоко тенџере.
2. Шницлите се пржат многу малку, колку да не биде живо месото, па се тргаат настрана во чинија.
3. Откако ќе се испржи целата количина месо, во истото масло ставете ги печурките малку да се пропржат.
4. Кога и тие ќе бидат готови, се става 1 лажица брашно врз печурките, се промешува.
5. Потоа во тенџерето се враќа испрженото месо, па се додава виното и се налева со вода колку да се покријат состојките.
6. Тенџерето се покрива со капак и се остава јадењето да се динста околу 80-90 минути.
7. Додека месото се вари, постепено испарува течноста и онаа течност што ќе остане ќе биде густа како сос. Месото сервирајте го со сосот.