За овој рецепт се потребни помалку од 70 минути

1. Замесете средно тврдо тесто од брашното, млаката вода, солта и свежиот квасец.
2. Поделете го тестото и секоја половина повторно поделете ја на 6 дела. Вкупно треба да добиете 12 топчиња.
3. Од првото топче расукајте мала коричка, премачкајте ја со масло и врз неа ставете друга расукана коричка.
4. Откако ќе се направат 6х2 корички, се почнува со расукување. На набрашнета маса се расукува еден дел. Првата кора треба да биде поголема од другите 5.
5. Се премачкува голем четвртаст плех со масло и се става првата расукана кора која треба да е поголема од плехот бидејќи на крај се виткаат краевите од тестото.
6. Кората се попрскува со масло и се става фил од претходно запржена зелка.
7. Врз зелката се става друга кора која е со големина колку плехот. Така се реди додека да завршат сите кори.
8. Последната кора се премачкува само со масло, се виткаат краевите на питата и пред печење се сече на парчиња.
9. Се пече во загреана рерна на 220 степени околу 25 минути.
10. По печењето извадете ја од рерна и покријте ја со крпа малку да омекне.