За овој рецепт се потребни помалку од 90 минути

Тесто

1. Брашното ставете го во сад, додајте ги јајцата, прстофат сол и лажица маслиново масло. Измешајте ја добро смесата додека да добиете еластично тесто.
2. Тестото покријте го со крпа, потоа повторно замесете го и со сукало расукајте кори со дебелина од околу 1-1,5 мм и оставете го да мирува уште 15 минути.
3. Исечете го тестото на правоаголници со димензии околу 12х16 см.
4. Сварете ги кратко правоаголниците во солена вода, исцедете ги и исплакнете ги под млаз ладна вода. Распоредете ги врз крпа за да се исушат.

Бешамел сос

1. Во тава се топи путерот и се пропржува брашното многу кратко и со постојано мешање. Се додава млеко и се готви на умерена температура додека смесата не згусне.
2. Се додаваат киселата павлака и ренданото сирење (употребете посуво сирење) и повторно се промешува и готви додека не се добие посакуваната густина на сосот. Може по желба да додадете и малку лукче и бибер.

Фил

1. Во тава на масло пржете ги сечканите шампињони на ленти со малку сол и вода.
2. Откако ќе се пропржат, измешајте ги со 2/3 од бешамел сосот и 3 лажици рендан пармезан.

Финална постапка

1. Малку од филот распоредете го на една подолга страна на еден правоаголник (тесто), полека свиткајте од крајот со филот кон кората како цилиндар. Постапката повторете ја со останатиот фил.
2. Така филуваните канелони наредете ги врз намастен плех.
3. Пршутот исечкајте го на коцкички и ставете го врз канелоните.
4. Преостанатиот бешамел сос измешајте го со 1 чаша млеко на оган во тенџере, па прелијте ги канелоните.
5. Одозгора наросете рендан пармезан  и кашкавал и печете ги во претходно загреана рерна на 180 степени, 20 минути.