За овој рецепт се потребни помалку од 60 минути

1. Се накиснува сојата (или стар леб 2-3 парчиња) во топла вода. Кога ќе нарасне, се цеди и се меша со меленото месо, па се додава црвен пипер, сода бикарбона, оригано, сол, бибер, сечкан кромид (1 главица) и сечкан лук (или лук во прав).
2. Повторно се меси смесата убаво со дланките, па се додава јогуртот и се меси смесата да биде мека.
3. Се прават мали топчиња, се пржат на тивок оган, но не многу бидејќи потоа ќе се печат.
4. Гравот се вари, но се внимава да не е преварен.
5. Во огноотпорен сад (може и земјена тава) се ставаат маслото и 3 главици сечкан кромид да се пржат.
6. Откако ќе се испржи кромидот, се додава црвен пипер и во тавата се истура сварениот грав.
7. Се меша добро и се додава водата во која што се вареше гравот и заедно се додаваат и испржените ќофтиња.
8. Се посолува, одозгора се редат или суви пиперки или свежи домати и пиперки по желба, сечкано лукче, сечкан магдонос и бибер.
9. Тавата се става во рерна да се пече на 250 степени.