За овој рецепт се потребни помалку од 60 минути

1. Пиперките наредете ги во плех обложен со хартија за печење и печете ги во рерна на 200 степени, 20 минути.
2. Потоа ставете ги во ќеса и заврзете ја или во сад покриен со проѕирна фолија. Кога ќе се изладат, излупете ги и исечкајте ги на помали парчиња.
3. Модрите патлиџани исечете ги на плочки дебели 1 и пол см, па наредете ги во плех обложен со хартија за печење и печете ги 20 минути на 200 степени.
4. Пиперките и модрите патлиџани измешајте ги со ренданиот лук.
5. Додајте ја павлаката, маслата, сол, бибер, лимонов сок и свежите зачини, па добро соединете.