За овој рецепт се потребни помалку од 70 минути

1. Путерот (претходно оставете го да омекне на собна температура) изматете го со шеќерот додека да добиете кремаста смеса.
2. Потоа додајте ги белото брашно и  мелените бадеми, жолчките, сокот и ренданата кора на портокалот, малку цимет, прстофат сол и румот.
3. Измешајте ги состојките со раце и замесете тесто кое ќе го оформите во топка.
4. Обвиткајте ја топката во проѕирна фолија и оставете го тестото да одмори 1 час во фрижидер.
5. Потоа одделете 3/4 од тестото и расукајте го на набрашнета површина.
6. Ставете го во кружен калап (24 см), претходно намастен и набрашнет, така што на краевите тестото малку ќе биде задебелено.
7. Тестото во внатрешноста премачкајте го со мармалад од цреши (или друг по желба) и превиткајте ги задебелените краеви кон внатрешноста.
8. Остатокот од тестото расукајте го (не многу тенко) и со нож за сечење пица или обичен нож исечете ленти.
9. Лентите наредете ги врз питата така што ќе формирате мрежа.
10. Печете ја кростатата во претходно загреана рерна на 150 степени, 40 минути.