За овој рецепт се потребни помалку од 30 минути

1. Во голема тава за пржење загрејте 1 лажичка масло и пржете ги цветовите од брокули и печурките да омекнат, околу 4-5 минути.
2. Додајте ги ситно исечканите или сомелени свеж ѓумбир и лук во тавата и пржете уште кратко, околу половина минута.
3. Извадете ги зеленчуците од тавата, ставете ги во сад настрана и покријте го садот со фолија.
4. Во тавата загрејте масло и пржете ги пилешките гради, претходно зачинети со сол и бибер и исечкани на парчиња.  Пржете ги од сите страни додека убаво заруменат и се испржат.
5. Потоа вратете го зеленчукот во тавата, измешајте и пржете ги кратко заедно.
6. Во друг сад измешајте ги пилешката супа (може и вода), шеќерот, сусамовото масло и соја сосот.
7. Во друг мал сад измешајте го нишестето со лажица ладна вода.
8. Во тавата додајте ја мешавината со соја сосот и пржете околу 30 секунди, па додајте ја мешавината со нишестето.
9. Откако ќе зоврие смесата, гответе додека сосот се згусне.
10. Сервирајте го јадењето веднаш со варен ориз.