За овој рецепт се потребни помалку од 80 минути

1. Во тенџере на оган се пржи ситно исечканата зелка со 150 мл масло додека убаво да омекне, па се додава 1 лажиче црвен пипер.
2. Во сад се ставаат брашното, солта, сувиот квасец.
3. Се мешаат и потоа се додаваат оцетот, малку масло и вода по потреба да се замеси убаво, меко тесто.
4. Се прават топчиња и по малку се засукуваат, се премачкуваат со маргарин, па се ставаат 2 топчиња едно врз друго.
5. Така се прават и преостанатите и се оставаат да отстојат 30 минути.
6. Потоа се сука кора и се попрскува со масло и со маргарин, па се става од пржената зелка и се витка кората во ролат.
7. Така свитка се става во подмачкана кружна тава и се редат и останатите кори како полжавче додека да се наполни тавата.
8. Питата се пече во рерна на 200 степени околу 40 минути.