За овој рецепт се потребни помалку од 80 минути

1. Мали, кружни керамички чинии (со заоблено дно) премачкајте ги со путер или маргарин и ставете ги семките.
2. За тестото малку изматете 2 јајца, па додајте 1 лажица масло, 1 лажица вода и 1 лажица кисело млеко.
3. Соединете ги во друг сад брашното, 1/2 лажичка сол и печивото, додајте ги во садот со јајцата и замесете тесто.
4. Тестото оставете го да отстои, а во меѓувреме пржете ги сечканиот кромид и ренданиот морков.
5. Откако ќе се испржат, додајте ги исечканата шунка, ренданиот кашкавал и 1 јајце. Зачинете по вкус со сол и бибер и додајте го исечканиот магдонос.
6. Тестото развлечете го и сечете поголеми кругови.
7. Ставете го кругот во керамичка чинија врз семките и малку притиснете, а преостанатото тесто префрлете го преку работ на чинијата.
8. Наполнете со приготвената смеса и затворете со краевите на тестото, потоа премачкајте со путер.
9. Печете ги погачките во претходно загреана рерна на 200°C околу 20-25 минути.