Овој рецепт се подготвува за помалку од 35 минути

1. Оризот се вари во посолена вода, потоа се процедува и се мие со ладна вода. Се остава во цедалка да се излади.
2. Посебно се варат ракчињата во малку посолена и замастена вода, околу 10 минути додека зоврие водата и исчезне мирисот. Потоа се процедуваат и се остават на страна.
3. Кромидот и лукот се чистат и ситно се сечкаат, а потоа се пропржуваат во масло. Кога ќе пожолтат се додаваат ракчињата.
4. Се динста околу 5 минути со постојано мешање, се додаваат оризот, пченката, па се зачинува со босилек и со магдонос по вкус.
5. На крај се посолува и се додава малку маслиново масло по потреба.
6. Добро се меша и се соединува на тивок оган. Се сервира додека е топло.