За овој рецепт се потребни помалку од 60 минути

Пандишпан:

1. На пареа растопете 100 г црно чоколадо искршено на коцки заедно со омекнатиот путер.
2. Откако ќе се растопат, тргнете ги од оган и измешајте 2 јајца, 120 г шеќер и 80 г брашно.
3. Мешајте со жица за матење, додајте ги сечканите лешници и убаво соединете ги состојките.
4. Ставете ја смесата во кружен калап за печење торти, претходно намастен и набрашнет, па печете 10 минути во рерна на 180 степени.
5. Откако пандишпанот ќе се испече, извадете го од рерна и оставете го да се излади.

Крем од ванила:

1. Млекото ставете го во тенџере на оган заедно со ванила стапчето.
2. Додајте 1,5 дл слатка павлака и откако ќе зоврие тргнете од оган.
3. Со виљушка измешајте 3 жолчки (не ги матете) со 40 г шеќер и додајте ги во тенџерето со павлаката и млекото.
4. Измешајте, извадете го стапчето ванила и ставете ја смесата во сад за печење обложен со хартија за печење.
5. Печете го кремот од ванила во рерна на тивко (околу 100 степени и помалку) околу 1 час и 20 минути.
6. Откако кремот ќе се испече и олади, ставете го во фрижидер 3-4 часа.

Мус од чоколадо:

1. Три жолчки изматете ги со 40 г шеќер.
2. Откако добро ќе се изматат, додајте 200 г растопено чоколадо и гответе ги на пареа.
3. Додајте го желатинот (претходно потопете го во ладна вода), додајте 1,5 дл матена слатка павлака и мешајте.

Финална постапка:

1. Пандишпанот ставете го во кружен калап со пречник.
2. Половина од мусот ставете го врз пандишпанот и оставете го во фрижидер да се стврдне половина час.
3. Потоа одозгора додајте го кремот од ванила, па врз кремот додајте го останатиот мус од чоколадо.
4. Убаво израмнете и оставете го калапот во фрижидер најмалку 2 часа.
5. Пред послужување, тортата одозгора декорирајте ја со рендано чоколадо.