За овој рецепт се потребни помалку од 80 минути

Пандишпан

1. Мандарините варете ги 2 минути во тенџере со вода на оган, истурете ја водата, додајте нова и варете ги уште 2 минути, па извадете ги од тенџерето и сомелете ги.
2. Шеќерот и јајцата изматете ги со миксер додека се растопи шеќерот.
3. Додајте ги мелените мандарини, брашното и кокосовото брашно, прашокот за печиво и путерот (претходно растопен). Мешајте со лажица да се соедини смесата.
4. Ставете ја во тркалезна тава бр. 26 обложена со хартија за печење и печете ја во рерна на 200 степени, 40 минути.

Прв фил

1. Белото чоколадо растопете го, додајте ја слатката павлака и мешајте со лажица. Изладената смеса изматете ја со миксер додека ја добие потребната цврстина.
2. Додајте 3 лажици кокосово брашно (претходно запржено во тава на оган, па оставено да се олади) и матете со миксер да се соедини смесата.

Втор фил

1. Кршените бисквити измешајте ги со 3 лажици кокосово брашно и со крупно ренданото чоколадо.

Прелив

1. Во тенџере на оган ставете ги сокот од мандарини со шеќерот додека шеќерот се растопи.

Финална постапка

1. Изладениот пандишпан извадете го од тавата и исечете го на половина.
2. Врз првата кора прелијте го врелиот прелив.
3. Откако ќе впие, премачкајте го со првиот фил, па со вториот фил и повторно премачкајте со првиот фил.
4. Ставете ја втората кора и нанесете од преливот, па целата торта премачкајте ја со преостанатиот прв фил и декорирајте по желба.