За овој рецепт се потребни помалку од 100 минути

Пандишпан

1. Белките се матат со миксер заедно со шеќерот додека шеќерот се растопи и додека добиете кремаста смеса.
2. Во садот со белките се додаваат мелените ореви, какаото, печивото и брашното и смесата се меша со лажица.
3. Смесата се претура во тркалезен калап за печење обложен со хартија за печење.
4. Се става во рерна и се пече на 200 степени околу 40 минути.

Фил

1. Во тенџере на оган се ставаат млекото, шеќерот, густинот, брашното и жолчките.
2. Се готви со непрекинато мешање со жица и откако кремот ќе ја добие посакуваната густина, тенџерето се трга од оган.
3. Во топлиот крем се додава искршената чоколада и се меша додека да се растопи.
4. Во друг сад со миксер пенасто изматете го маргаринот и измешајте го со изладениот крем.

Финална постапка

1. Калапот со испечениот пандишпан се вади од рерна, му се отстранува хартијата и се сече на два еднакви дела.
2. Првата кора се премачкува со филот, врз него се става втората кора и целата торта се премачкува со фил.
3. Се декорира со готварски шприц од преостанатиот фил и се наросува целата торта со ореви или со чоколадни трошки.