Состојки
Црвена зелка
Црвената зелка е вистински рудник на витамин Ц и К. Витаминот Ц е важен за обнова на колагенот и за протеините кои ни ја прават кожата мазна, а ги одржува здрави и крвните садови на кожата. Исто така, витаминот Ц помага брзо да зарасне осипот.
Својата препознатлива боја, црвената зелка ја должи на концентрацијата на антоцијанин, силен антиоксиданс кој има антивоспалителни својства. Со тоа, оваа зелка е поздрава од зелената, бидејќи содржи повеќе фито хранливи материи.
Повеќе истражувања покажале дека антоцијанините може да помогнат при намалување на ризикот од срцеви болести, дијабетес, дури и некои видови рак.
Овој зеленчук кој е богат со антиоксиданти е идеален за здравата, мека кожа. Постојат студии кои наговестуваат дека црвената зелка помага во градбата на здрав мозок и срце, а и одлична е во согорување на маснотиите, што ја прави идеален прехранбен производ кога сакаме да одржиме витка линија.
Со оваа состојка може да ги приготвите следниве рецепти
