Есента е најживописното годишно време од сите: дрвата се преплавени со различни нијанси за време на ова прекрасно време од годината. Но, заедно со своите позитивни страни и убавини, есента понекогаш е причинител на сува, монотона кожа и коса.

Тоа произлегува од сувото, ладно, ветровито и непредвидливо време. Како што паѓаат температурите, внатрешното греење во домовите се зголемува, но ова го суши воздухот во домот. Затоа, во текот на оваа сезона постои сувост насекаде што предизвикува грубост, дехидрација и сувост на кожата. Некои луѓе, исто така, имаат лузни и иритации, а често се појавуваат некои состојби на кожата како егзема.

За да се поправи оваа состојба не се доволни креми и масла за кожа и коса – практикувајте ги овие 7 корисни совети и уживајте во сјајна кожа и коса во текот на целиот период.

1. Есенска исхрана

Кога има сувост во воздухот, топлите јадења се најпосакуваните за нас – супи, чорби, манџи, варен зеленчук и каши се добри избори.

Најдобро е да јадете варен зеленчук отколку сурови салати. И ако мора да јадете салата, тогаш малку загрејте ја или јадете ја на собна температура.

Избегнувајте храна како пуканки, грицки, житарки за појадок и сушено овошје – овие се исклучително сува храна.

2. Пијте течности и чај

Што помалку вода, толку кожата станува сува и скалпот се уништува. Веќе знаеме дека од суштинско значење е да пиете многу течности. Но, избегнувајте ледена вода и замрзнати пијалаци, особено во есенските месеци. Ладната вода ќе ја влоши вашата сувост на кожата и косата.

Ако не можете да пиете топла вода, тогаш барем пијте вода на собна температура.

Исто така, многу е нормално да пиете топол чај / кафе за време на ладните месеци. Но, обидете се да го задржите кофеинот на минимум бидејќи тоа само дополнително ќе ве дехидрира.

Наместо тоа, направете си некои билен чај, или на пример, чај од свеж ѓумбир и чај од лимон во попладневните часови, не само што ќе ве разбуди, туку и ќе го подобрите варењето.

Еве неколку добри билни чаеви за на есен: камилица, анасон, ѓумбир и бел слез.

3. Јадете здрави масти

Здравите масти како оревите и семките се одлични за одржување на вашата кожа / коса.

Јадете повеќе мрсна риба, ореви, бадеми, бразилски ореви, ленено семе, сусам, семки од тиква и семки од сончоглед.

Можете исто така да ги консумирате нивните масла за да ја добиете потребната дневна доза на масти. Додајте 1 до 2 супени лажици во смутито или во супата.

4. Дозволете си релаксирачка масажа

Масирајте ја кожата со масло пред капењето, особено за време на постудените месеци. Не ја заборавајте и косата – маслото е исто така добро и за нега на коса.

Секојдневната масажа е реткост во реалниот свет, но еднаш можете да си дозволите целосна масажа на телото или да одвоите ден за спа.

Масирањето ги храни и негува кожата и косата, го смирува вашиот ум и го зголемува сјајот на кожата.

Десетина минути масирајте се со масло, а потоа одморете уште десетина минути и измијте го телото и косата под туш со топла вода.

Одберете сусамово, маслиново, сончогледово или бадемово масло за тело; за коса кокосово, арганово и бадемово.

5. Потхранете ја косата со природни маски

Сува и груба коса е чест проблем во есенските и зимските месеци.

Примената на маската од ѓумбир и кокосово масло ќе помогне да се спречи сувоста и ќе го намали опаѓањето на косата. Измешајте 1 лажица свеж рендан ѓумбир и 2 лажици кокосово масло или масло од сусам. Нанесете ја со нежни масирања во скалпот и оставете да делува 1 час, потоа измијте се на вообичаен начин.

Можете исто така да ја пробате оваа хидратантна маска за коса од авокадо: во блендер изблендирајте 1 авокадо, 3 лажици јогурт и 2 лажици маслиново масло. Нанесете ја оваа мешавина на скалпот и косата и покријте ја главата со крпа, ќеса или стара ткаенина. Оставете ја маската 15-20 минути, а потоа измијте се.

6. Вежбајте

Вежбањето е ефикасен начин за ослободување од стресот. Истражувањата покажуваат дека луѓето кои редовно вежбаат имаат поголема тенденција на зголемено ослободување на допамин и серотонин, познати како хормони за среќа.

Физичката активност, исто така, ги прави кожата и косата сјајни со зголемување на циркулацијата и деблокирање на запушените пори.

Изберете тип на вежба која ве прави да се чувствувате добро и ви дава енергија без да ве исцрпи. Кога се чувствувате уморни, застанете, одморете се, а потоа продолжете со активноста.

Секоја форма на вежбање е подобра од никаква физичка активност. Било што – брзо одење, џогирање, танцување, јога или пилатес – забавувајте се со движењето на вашето тело и негувајте се.

7. Дополнителни совети и грешки 

– Честото миење на косата ги намалува природните масла на скалпот и доаѓа до сувост. Мијте ја косата еднаш или двапати неделно.

– Груби шампони: острите состојки во шампоните ја отстрануваат влагата на скалпот. Наместо тоа, одберете природни средства за миење или билни шампони.

– Топол туш: во студените денови топлиот туш може да биде многу потребен, но тоа само ќе предизвика повеќе сувост на скалпот. Намалете ја температурата и користете млака вода.

– Избегнувајте прекумерна топлина: честото сушење на косата може да предизвика коса да стане сува и тврда. Секако, не е лето за да не ја сушите косата – правете го тоа, но со поретко миење и сушење.

– Носете шал или зимски капи за да ја заштитите косата во најстудените денови.