Кога сте на диета и на посебен режим на исхрана, многу е тешко да одолеете на слатките десерти. Секое одење до продавница, сакате да купите вкусен сладолед, пудинг или чоколадо, но се воздржувате бидејќи не сакате залудно да се трудите да ослабете.

Избегнувајте ги купечките десерти и одлучете се да зготвите домашен и здрав десерт што еднакво ќе ви ги засити потребите за благо.

За вас одоивме 15 рецепти за десерти што може да ги јадете, а да не се здебелите:

1. Испукани колачиња со какао – https://goo.gl/VbyN11

Овие колачиња се со идеално количество на шеќер и едно парче содржи 50 калории. Ова слатко уживање дозволете си го со шолја топло црно кафе или еспресо по оброкот.

2. Вегански чизкејк со боровинки – https://goo.gl/SLwMRC

Се прашувате како чизкејкот може да биде посен и вегански кога главната состојка е сирењето. Овој непечен колач е со мала промена и главна состојка се ф’стаците, кокосовото млеко и масло, додека пандишпанот е направен од урми и ореви без додатоци на путер и брашно.

3. Мус од чоколадо и авокадо – https://goo.gl/RQLe3H

Ова е одличен и брз десерт, без додатоци на масло или шеќер. Чоколадо од какао и авокадо се главните состојки што ќе ви ги заситат потребите за благо.

4. Печено јаболко – https://goo.gl/v8uf9i

Јаболкото може да биде раскошен десерт – со малку суво овошје, јаболките во рерна се мек, вкусен и здрав рецепт.

5. Овошен сладолед со јогурт – https://goo.gl/n6AwwD

Освен што се одлични за топлите летни денови, сладоледите на стапче се балансиран десерт со помалку од 150 калории од едно парче.

6. Парфе од јогурт

Парфето од јогурт е свеж и вкусен десерт – ред свежо овошје, крцкава гранола и чиа семе дава шмек во кој ќе уживате по секој залак. Подгответе го од претходната вечер и имајте идеален појадок утрината кој можете да го земете со себе на работа или факултет.

7. Протеински сладолед – https://goo.gl/SN9Vzp

Трансформирајте го сладоледот во здрава, протеинска закуска со овој лесен рецепт за кој ви се потребни само три состојки: јогурт (што не е млечен), вегански протеини во прав и путер од кикирики. Вкусно е речиси колку вистинскиот сладолед.

8. Овошје на скара

Малку оган додава елеганција и интензивен вкус на овошјето. Топлината на скарата дава уште една димензија на сладост и оди особено добро со топчестите овошни плодови. Можете да ги комбинирате праските на скара со балсамико оцет и маскарпоне сирење или да го зачинете овошјето со јаворов сируп и пријатни зачини како каиенски бибер, мелен цимет и ким.

9. Овошен сладолед на стапче – https://goo.gl/6hKB5X

Користете било какво овошје, кокосова вода или кокосово млеко и јаворов сируп за да направите нискокалорични, овошни сладоледи кои ќе ве потсетат на одмор на плажа.

10. Црно чоколадо

За чоколадото е добропознато дека е десерт на кој не можете да останете рамнодушни, но темното чоколадо има помал процент на шеќер и калории и нуди голем број на здравствени придобивки, како што се намалување на крвниот притисок и холестеролот, па дури и зголемување на чувството на среќа. За да ги добиете здравствените придобивки, сепак, треба да консумирате темно чоколадо кое содржи најмалку 80 до 85 проценти какао.

11. Јагоди со чоколадо

Потопување на овошје во чоколадо е слатко задоволство. Тенкиот слој на темно чоколадо не содржи премногу калории или шеќер, а сепак дава малку горчливост што ги балансира и дополнува свежите плодови. Јагодите се класичен избор, но има многу други видови на храна за кои никогаш не сте помислиле да ги потопите во чоколадо како банани и ананас.

12. Тесто за колачиња од наут – https://goo.gl/MRTVSL

Наутот е одличен извор на протеини, со неверојатни 15 грама протеини по чаша. Тој, исто така, е богат извор на диететски влакна, кои можат да помогнат во контрола на нивото на шеќер во крвта и забавување на варењето на храната. Овој рецепт е вегански, без глутен и може да се користи како сос или самостојно. Можете да уживате во јадењето на тестото за колачиња без чувство на вина.

13. Чиа пудинг – https://goo.gl/NDBPvG

Ова е совршена замена за купечките и вештачките пудинзи. Чиа семињата натопени во млеко во текот на ноќта, добиваат текстура слична на желе, потсетувајќи на традиционалните пудинзи. Во комбинација со какао или овошје – овој пудинг е вистинскиот избор!

14. Овесни колачи – https://goo.gl/WWvWEz

Овесните барови се крцкави однадвор и меки одвнатре. Земете едно за појадок кога брзате насабајле.

15. Енергетски залчиња – https://goo.gl/uuD1Lc

Освен што се совршени за топол ден, тие исто така се здрав десерт. Со помалку од 150 калории по порција, овие топчиња навистина го премостуваат јазот помеѓу здравата храна и десертот.