Новата година пристигна, а со тоа, мислите за слабеење и затегнување на телото до лето постојано ни се во глава. Сепак, овие мисли имаат тенденција да не траат толку долго колку што би сакале ние.

За да ви помогнеме со овој проблем, Мое Мени избра неколку едноставни вежби со кои ќе имате видливи резултати за само четири недели. Нема да треба да одите во теретана или да купувате било каква спацијална опрема – се што треба е десет минути на ден.

ПЛАНК

Планк е статична вежба, што значи дека не треба да се движите додека ја правите, туку едноставно го одржувате телото во правилна позиција. За да се направи правилно, треба да се следи примерот прикажан на сликата, потпрете се на лактите и на стапалата. Важно е да го држите грбот постојано прав. Ако немате потешкотии при правење на оваа вежба значи дека не ја правите како што треба. Со оваа вежба ги вежбате стомачните мускули, мускулите на рацете, на грбот и на предниот бут.

СКЛЕКОВИ

За правилно да направите склекови, застанете во иста позиција како за планк, а потоа буткајте се нагоре со рацете. Најважно е да се задржат грбот, задникот и нозете во права линија. Следниот чекор е да се вратите во првобитната положба колку што е можно побавно.

ТОНИРАЊЕ НА БУТОВИТЕ И ЗАДНИКОТ

Започнете ја вежбата како што е прикажано на сликата, потпирајќи се на вашите раце и колена. Потоа, истегнете ја едната нога обидувајќи се да ја држите право додека ја истегнувате обратната рака во исто време. Потоа повторете ја вежбата со другата рака и нога.

ЧУЧЊЕВИ

За време на вежбата чучњеви важно е да имате рамнотежа – раширете ги нозете колку што ви се широки рамењата (да бидат во права линија). Започнете ја вежбата со тоа што ќе правите движење како да седнувате на имагинарен стол, внимавајќи колената и стапалата да формираат права линија. Рацете држете ги исправени како на сликата и постојано седнувајте и исправувајте се.

СТОМАЧНИ

Легнете на грб и испружете ги рацете нагоре. Полека подигнете ја едната нога свиткана во колено и допрете ја со раката. Вратете се во почетната позиција и повторете ја вежбата со другата рака и нога. Не го заборавајте основното правило – левата нога оди со левата рака и десната нога со десната рака.

СТОМАЧНИ И ЗАДНИК

Прво, потпрете се на рацете и нозете, така што вашето тело ќе формира триаголник над подот. Подигнете една од вашите нозе колку што можете повеќе како што е прикажано на сликата, а потоа вратете ја назад полека пробувајќи да си го допрете носот со коленото. Вратете се во почетна позиција и го направете го истото со другата нога.

ПОЛОВИНА

Застанете со нозете широко поставени и благо свиткани во колената и со грбот потпрени на ѕидот. Потоа, споете ги рацете или земете топка, како што е прикажано на сликата, и полека движете ги рацете од страна на страна, обидувајќи се да го допрете ѕидот со нив и, што е најважно, имајте исправена положба.

4 НЕДЕЛЕН ПЛАН

1 недела:

2 минути планк

1 минута склекови

1 минута тонирање на бутовите и задникот

1 минута чучњеви

1 минута стомачни

1 минута стомачни и задник

1 минута половина

2 минути планк

10 секунди пауза помеѓу вежбите

2 недела:

3 минути планк

3 минути стомачни

3 минути тонирање на бутовите и задникот

3 минути половина

3 минути склекови

3 минути стомачни и задник

15 секунди пауза помеѓу вежбите

3 недела: исто како 1 недела

4 недела: исто како 2 недела

Ако ги правите вежбите правилно, ќе постигнете неверојатни резултати во само еден месец, а како бонус, развивање на навика за правење на овој едноставен сет на вежби секој ден. И ако сакате да го подобрите вашето тело дури и повеќе, тогаш удвојување на напорот е се што треба да направите!

Во склоп на овој 4 неделен предизвик, ве советуваме паралелно да пробате да се исхранувате на здрав начин за да воочите максимални резултати и да се чувствувате подобро и поздраво. 

Овие 30 дена прочистете го вашиот организам од нездравата храна и наполнете се со енергија. Започнете со отфрлање на процесирана храна и нездрави состојки. Ослободете го вашиот организам од рафиниран шеќер и брашно. Јадете цели, чисти оброци кои ќе го прочистат вашето тело и со кои ќе се чуствувате полни со енергија.
Јадете свежи овошје и зеленчук, цели зрна, заменете го рафинираниот бел леб и ориз со кафеав ориз и киноа зрна, правете рецепти со помалку од 5 состојки, проверувајте ги состојките во продавница пред да го купите производот, планирајте го оброкот однапред за 5-7 дена, јадете разновидна храна, пијте најмалку 4-6 чаши вода дневно, јадете помали порции оброк дневно почесто.

Еве неделен предлог мени за започнување на предизвикот:
Ден 1.
Појадок: Француски тост – https://goo.gl/n6FNcb

Ручек: Спанаќ со јајца на око – https://goo.gl/hg4ThF
Вечера: Печен сладок компир – https://goo.gl/2BnEUM

Ден 2.
Појадок: Витаминско смути со зелен чај – https://goo.gl/3Glt1B
Ручек: Американска салата – https://goo.gl/2TaYxW
Вечера: Пилешко со лимон – https://goo.gl/xi0x34

Ден 3.
Појадок: Киноа чинија со јаболко и цимет – https://goo.gl/ihjefs
Ручек: Бурито со црн грав и пченка – https://goo.gl/Mm4iwm
Вечера: Мисиркини плескавици со зеленчук – https://goo.gl/nrL5Fb

Ден 4.

Појадок: Овесно смути – https://goo.gl/nEKpuv
Ручек: Киноа салата со пиперки и туна – https://goo.gl/CkvlpR
Вечера: Печен лосос – https://goo.gl/Glx9fx

Ден 5.

Појадок: Здрава овесна каша – https://goo.gl/5J2cRK

Ручек: Грчка киноа чинија – https://goo.gl/Jl801x

Вечера: Мини ролати од тиквички – https://goo.gl/SLxLx4

Ден 6.

Појадок: Овесни палачинки со боровници – https://goo.gl/YZK0oR

Ручек: Протеински пржен ориз – https://goo.gl/7AX0YA

Вечера: Интегрален ориз со печурки и спанаќ – https://goo.gl/jcYShi

Ден 7.

Појадок: Фритата коцки (хроно) – https://goo.gl/ewp64G

Ручек: Печени пилешки стекови со фил – https://goo.gl/wor5bv

Вечера: Нудлс со пилешко месо – https://goo.gl/zgg5AO