Купуваме стотици различни сетови шминка и препарати за да ја одржуваме кожата здрава и убава, а не можеме ни да замислиме колку пари трошиме за нив. Во 2005 година, американските дерматолози откриле дека е можно да се ослободите од брчки, акни, хиперпигментација, па дури и сува кожа без скапи козметички производи. Единственото нешто што треба да направите е да вклучите неколку видови на храна во вашата исхрана.

Кажете му збогум на вашиот коректор бидејќи нема да ви треба повеќе!

Пигментни дамки

Причини:

Хиперпигментацијата може да биде показател за дефицит на витамин, особено Б12. Храна од животинско потекло е богата со овој витамин. Но, можно е да се ослободите од пигментните точки дури и без месо – само треба да имате соодветна исхрана.

Што треба да направите:

– Витамините Ц и Е и антиоксидантите, како што се елагичната киселина и екстрактот од семе од грозје, може да ви помогнат да се ослободите од пигментните точки. Овие корисни елементи може да ги најдете во големи количини во цитрусното овошје, јагоди, киви, домати и калинки.

– Пигментацијата станува видлива ако поминувате многу време на сонце. За да ја заштитите кожата од ултравиолетовите зраци, јадете храна богата со антиоксиданти: бобинки, грејпфрут, ананас, сливи, прокељ, зелка, чили пиперки, спанаќ и хељда.

Мрсна кожа

Причини:

Храната со висок гликемичен индекс ја зголемува продуктивноста на лојните жлезди. Како резултат на тоа, тие произведуваат повеќе кожни масла што се потребни за навлажнување. Затоа кожата може да го има тој мрсен сјај.

Што треба да направите:

– Козметиката само привремено ќе ве спаси од мрсниот сјај, додека исхраната богата со витамин А може значително да го намали нивото на производство на кожни масла. Покрај тоа, таквата храна е навистина вкусна и едноставна – само додадете манго, моркови, жолчка од јајце, суви кајсии, спанаќ и слатки компири.

– Треба да го намалите внесот на храна со висок гликемичен индекс. Јадете помалку бел леб, компири и макарони направени од мека пченица. Наскоро ќе заборавите сите проблеми со кожата што ги имате.

Акни

Причини:
Храната со висок гликемиски индекс е повторно виновна. Затоа луѓето кои имаат мрсна кожа почесто имаат проблеми со акни. Лојните жлезди стануваат поактивни, што доведува до затворање на порите при што бактериите се репродуцираат побрзо и предизвикуваат воспаление.

Што треба да направите:
– Посебната диета може да ви помогне со проблемот со акните. Најважното нешто што треба да направите е да јадете повеќе храна со полинезаситени масни киселини кои го смируваат воспалението. Едноставно кажано, јадете овошје, зеленчук, јаткасти плодови, ленено семе, ленено масло, алги и морски плодови.

Сува кожа

Причини:

Сувата кожата е показател за недостаток на холестерол и вишок на витамин Е во вашиот организам. Главната причина најчесто важи за вегетаријанците, бидејќи најголемите извори на холестерол се рибата и месото.

Што треба да направите:

– Зголемете ја количината на мононезаситени масни киселини во вашата исхрана. Најдобро се варат не кога јадете масла и додатоци во исхраната, туку кога консумирате целосни производи, како што се грав, алги, јајца, соја, авокадо, кикиритки и други видови јаткасти плодови.

– Ако не сте вегетаријанец, обидете се да јадете месо и риба редовно. Најдобри видови се лосос, скуша и езерска пастрмка.

Брчки

Причини:

Алкохолот предизвикува дехидрација, што доведува до појава на брчки. Шеќерот може да биде уште една причина за предвремено стареење на кожата. Гликозата што содржи шеќер ја прави вашата кожа помалку еластична.

Што треба да направите:

– Пред повеќе од  10 години, американските истражувачи откриле дека антиоксидантите може да ја направат кожата помлада. На пример, ако јадете храна која содржи соја секој ден, знаците на стареење на кожата ќе бидат скоро невидливи. Исто така може да се ослободите и од брчките околу очите.

– Истражувањата покажаа дека брчките се помалку забележливи кај луѓето од Шведска, што е последица на добрата исхрана. Швеѓаните јадат многу лиснат зеленчук, спанаќ, аспарагус, целер, модри патлиџани, лук и кромид. Тие речиси не јадат црвено месо, шеќер, путер, маргарин, млеко и други млечни производи.

Темни кругови под очите

Причини:

Погрешно е верувањето дека темните кругови околу очите се само индикатор за недостаток на сон. Тие можат да бидат симптом на сериозни заболувања: алергија или нетолеранција за храна која води кон воспаление и затемнување на областа околу очите.

Што треба да направите:

– Тестирајте се за нетолеранција на храна. Додека ги чекате резултатите од тестот, отфрлете ги сите потенцијално опасни продукти од исхраната – на пример, храна што содржи лактоза. Тука спаѓаат млечните производи, леб, чипс, инстант кафе, инстант супи и вештачки засладувачи.

– Ако не сте алергични на ништо, темните кругови може да бидат знак за дехидратација. Пијте доволно вода и не пијте премногу кафе.

– Исто така, во исхраната треба да вклучите состојки што содржат железо. Таквата храна го зголемува нивото на хемоглобин. Затоа, јадете повеќе црвено месо, туна, жолчки од јајце и елда.